BAHASA JAWA X "PACELATHON"

 

PACELATHON

Pacelathon inggih punika gineman antawisipun piyantung satunggal❤❤ saha satunggalipun, saged piyantun kalih, tiga, utawa luwih kang lagi rembugan sawijining bab punapa mawon.

1. Ringkesipun Babagan Pacelathon

 a.  Sinten mawon ingkang nindakaken pacelathon

      Antawisipun:

    - lare alit kalihan lare alit

    - lare alit kalihan lare langkung diwasa.

    - lare alit kalihan tiyang sepuh.

    - tiyang diwasa kalihan tiyang diwasa.

    - tiyang sepuh kalihan tiyang diwasa.

    - tiyang sepuh kalihan tiyang sepuh.

    - lare kalihan tiyang sepuh, lsp.

 

b.  Tataran basa ingkang dipunginakaken

     basa ingkang dipunginakaken inggih punika nglarasaken kalihan sinten ingkang dipunajak gineman.

     Tuladhanipun

    - lare alit kalihan lare alit ngginakaken basa ngoko

    - lare alit kalihan lare langkung diwasa, ngginakaken  basa krama inggil.

    - lare alit kalihan tiyang sepuh, ngginakaken  basa krama inggil.

    - tiyang diwasa kalihan tiyang diwasa ngginakaken basa ngoko alus

    - lsp.

 c.   Unggah-ungguh ingkang kedah dipuntindakaken

        unggah-ungguh ing dipuntindakaken antawisipun :

        Guniman boten waton gineman, ananging gineman kedah ngangge waton (paugeran).

       solah bawa ugi ngangge waton.

       wirama swanten kedah dipungatosaken.

        Polatanipun (wajahe / pandangan) ugi ngangge waton ampun ngantis mencereng saupamanipun.

        Intonasinipun (lagu) ugi ngangge paugeran.

 

d.   Dududanipun: anggenipun nindakaken pacelathon kedah nggatosaken:

        sinten ingkang dipun ajak gineman

        punapa perlunipun

        wonten pundi papaipun

        basa saha unggah-ungguh kedah trep

2. Tuladha pacelathon!

Ibu      : “Kapriye, Yan, sekolah ing SMA Stella Duce Bambanglipuro seneng apa ora ?”

Yani   : “Wah remen sanget, Bu. Kancanipun kathah, ugi dwijanipun. 

Ibu      : “Ya.Kowe mlebu ing kelas apa, Yan ?”

Yani    : “Wonten kelas X IPS, Bu.”

Ibu      : “ Kelas sing anyar ana pirang kelas , Yan ?”

Yani   : “ Wonten kalih kelas, Bu. Kelas X MIPA saha X IPS”

Ibu      : “ Mlebu kang kawitan mau wis diwulang apa, Yan ?”

Yani  : “Kala wau dereng dipunparingi wucalan, namung upacara, resik-resik kelas, lajeng mlebet kelas,               ndhapuk pengurus kelas, kalajengaken pitepangan.”

Ibu     : “Ya bener kuwi kudu dianakake tetepungan, supaya padha kenal karo kanca-kancane kabeh.                     Terus carane kepriye, Yan ?Kamangka bocahe akeh, apa ora rame?”

Yani  : “Dipunwiwiti dening wali kelas nepangaken rumiyin. Panjenengane ngendika asma saha alamatipun.  Kalajengaken sedaya siswa satunggal baka setunggal dipundawuhi nepangaken kanthi nyebataken nama, tanggal lair, alamat, asmanipu tiyang sepuh, saha gegayuhan.

Ibu      : “Kancamu piye Yan? Rak ya apik kabeh ta?”

Yani  : “Boten Bu. Wonten ingkang asmanipun Rudi penika nakal sanget Bu, remenipun godhani kanca             setri. Kula pengen jotos mawon kok Bu.”

Ibu    : “Wis ora entok ngono. Sapa sing nandur bakale ngundhuh, dadi yen kowe dinakali ora usah                     
diwales, mengko rak Rudientuk walesan dhewe saka sing gawe urip.”

Yani:“Nggih Bu, matur nuwun sampin dipun paringi pitutur ingkang luhur.”

Ibu      : “Yo wis ndang mangan kana, segane ning meja.”

Yani    : “ Inggih Bu.”