Bahasa Jawa XI Panatacara

Pranatacara

v     Pranatacara inggih punika satunggiling paraga ingkang nggadhahi jejibahan nglantaraken titilaksana ing satunggiling upacara adat temanten, kesripahan, resmi/formal, pepanggihan, pasamuan, pengaosan, pentas (show) lan sapiturutipun. Upaminipun wonten ing tata upacara adat temanten Jawi pranatacara kajibah nglantaraken titi laksitaning adicara ijab, pawiwahan lan panghargyan, sanadyan mekaten adicara ijab kadhang kala madeg piyambak boten kagarba kaliyan adicara pawiwahan lan panghargyan temanten. Ing upacara kasripahan juru paniti laksana nglantaraken tata upacara pangrukti utawa pametaking layon.

v       Anggenipun dados pranata adicara kedah nggatosaken punapa ingkang wonten ing tata cara pranata   adicara. Pranata adicara kedah nggatosaken punapa ingkan dipunwastani 4W, kang isinupun : Wiraga,   Wicara, Wirasa, Wirama.

v    Pranata cara kabagi pirang-pirang penganggone yaiku :

·       Pranata cara pahargyan manten

·       Pranata cara acara supitan

·       Pranata cara acara qeqahan

·       Pranata cara kesripahan

v    Bentenipun pranatacara saha pranata adicara

Jejibahaning pranatacara limrahipun inggih prasaja, inggih menika ngaturaken acara setunggal baka setunggal ing acara menapa kemawon. Acara sepisan menika, dhumateng Bapak... sumangga. Lajeng ngaso. Acara kaping kalih menika... dhumateng Ibu... sumangga. Lajeng ngaso. Makaten salajengipun namung ngaturaken acara setunggal baka setunggal. Nalika para tamu ngunjuk pranatacara inggih ngemum, nalika para tamu dhahar, pranatacara inggih dherek nedha. Ingkang baku acara sampun saged lumampah. Beda kaliyan pranata adicara, kajawi nindakaken ingkang kados katindakaken pranatacara, pranata adicara saged ngisi acara damel regeng ngregenging swasana. Upaminipun nalika para tamu nembe ngunjuk, pranata adicara nyandra para tamu, nyandra sasana pawiwahan, nyandra tarub. nalika para tamu nembe dhahar, pranata adicara nyandra temanten. Gampilipun pranata adicara saged akarya regenging swasana, boten sepa,sepi,samun. Pranata adicara boten badhe katelasan wicara sarta perkawis ingkang kawedhar (materi/bahan) kangge ngisi swasana. Sanajan kedah 2-3 jam micara. Kajawi menika pranata adicara saged ngolah acara menapa kemawon, tanggap ing sasmita saha swasana, satemah saged damel putusaning adicara kanthi laras tur leres.

v  Amrih jejibahan saged kasil kanthi sae, pranatacara saha pamedhar sabda kedah saged ngrengkuh sarat sarana ingkang baku, inggih punika :

1.  Swara

    Kedaling lathi kedah kagladhi, supados saged langkung cetha medaling suwanten, pranatacara saha pamedhar sabda kedah saged mapanaken utawi ngginakaken swanten ingkang awrat, cekapan, utawi inggil trep kaliyan swanten iringaning gendhing ( menawi wonten ).

     Pangolahing swanten kedah wajar, cetha, tegas mboten ketawis sanget menawi kaolah ( dipun                 damel-damel ). Ing babagan swanten meniko, pranatacara saha pamedhar sabda kedah wigatos              dhateng swaraning aksara swara ( ucapan ), langkung-langkung beda-beda mingsad-mingsudipun           ing  tembung lingga saha tembung andhahan.

       Wirama ( lagu ) ugi kedah kagladhi kanthi saestu supados sekeca kamirengaken, kados pundhi           rindhik rikatipun, mandhap minggahipun, sampun ngantos kasesa, ananging ugi sampun ngantos             nglentrek sanget. Gladhi olah swara punika kedah pikantuk kawigatosan ingkang mirungga, amargi       punika dados satunggaling sarat baku kagem pranatacara saha pamedhar sabda.

2.  Busana ( Ageman )

     Ajining raga gumantung busana, mila babagan busana punika ugi kedah pun gladhi saengga                jejibahan pranatacara saha pamedhar sabda saged kalaksanakaken kanthi sae.Anggenipun ngadi            busana kedah kajumbuhna kaliyan kaperluan wonten ing upacar punapa ingkang badhe dipun ayahi.

      Jejering pranatacar saha pamedhar sabda saged katingal ngrengreng menawi karengga swanten, raga     lan busana ingkang pantes.Pangudining busana saged ngetrepaken kaliyan rupi utawin wernining          busana kaliyan kulit, sareng make up, saengga katingal pantes kaliyan papan panggenan, mboten           nyolok tuwin samadya kemawon.

      Wonten ing babagan mangagem busana ( ageman ) punika, saestu sae sabda pangandikan kanjeng     suhunan Pakowboewana IV ingkang sampun panjenenganipun kanjeng susuhunan sabdaaken       dhumateng para sentana saha karabat keratin kasunanan Surakarta Hadiningrat, inggih punika :

    “ Nyandhang menganggo iku dadiya sarana hamemangun manungsa njaba njero, marmane      pantesen panganggonira, trapna traping panganggon, chundukna marang kahananing badanira,     wujud lan wernane jumbuhna kalawan dedeg piadeg miwah pakulitan..”

 (Menggunakan Pakian itu harus jadi sarana membangun pribadi seseorang lahir dan bathin, jadi harus  sesuaikanlah pakianmu, serasikan dengan keadaan, sesuaikan dengan bentuk badan waran pakaian, pilihlah yang sesuai dengan postur tubuh serta warna kulit )

     Pramila babagan busana punika kedah pun gladhi ingkang sasae-saenipun dening pranatacara saha pamedhar sabda, amrih sae kasilipun tumrap sadayanipun, langkung sae ugi kagem para pranatacara saha pamedhar sabda ing sak derengipun ngayahi jejibahan dados pranatacara saha pamedhar sabda, busana punika saenipun kedah dipun rembag kaliyan panitya, amrih hasil ingkang dipun kajadaken sae wontenipun.

3. Subasita ( Trapsila )

      Trapsila ( tata krami ) kedah pun gladhi ingkang sae, amargi trapsila ingkang kirang, sagd ngirangi kawibawanipun pranatacara saha pamedhar sabda.Solah bawa sampun ngantos kadamel-damel ( katingal dening ing asanes utawi mboten ) langkung sae bilih solah bawanipun prasaja kemawon, anteng, manteb ananging mboten kaken ( kaku ).

      Ewah-ewahanipun pasuryan ugi kedah kaudi ingkang sadaya wau sageda nggambaraken isining penggalih, ingkang lajeng jumbuh kaliyan swasana, sapertos, bilih wonten ing pawiwahan saha pahargyan, pasuryan binger sumringah lan ramah awit prastawa menika ngemu suraos suka, kabagyan, saha kabingahan.

      Wondene wonten ing sripah, pasuryan kedah mboten katingal binger sumringah, amargi punika tamtu mboten jumbuh kaliyan swasana saha raos manah kulawarga ingkang nembe nandang duka sungkawa.

4.  Basa lan sastra

      Basa lan sastra ngawujudaken kabetahan ingkang baku tumrapipun priyantun ingkang nembe ngayahi tugas dados pranatacara saha pamedhar sabda. Basa ingkang kaginakaken kedah miturut tuntutaning sastra ingkang leres, pamilihing tembung ingkang lajeng dipun ronce dados ukara kedah trep, luwes, sae, wusana sekeca kapireng ing asanes.Kanthi pangertosan ingkang sae babagan basa tuwin sastra, pranatacara saha pamedhar sabda saged ndapuk mocap, tembung , ukara saha wacana kanthi leres tuwin laras.

Laras : tegesipun pranatacara saha pamedhar sabda saged ngrantam  saha mbabar titilaksana trep kaliyan kawontenan saha swasana.

Leres  : tegesipun pranatacara saha pamedhar sabda saged ngginakaken basa ingkang trep kaliyan parasastranipun.

      Ingkang menika pranatacara saha pamedhar sabda saged lumebet ing pawiyatan utawi saged maos piyambak buku-buku ingkang ngemot kawruh paramasastra kasebat.

Bab-bab ingkang kedah kasingkiri Pranatacara
1.    jumeneng kanthi lelambaran satunggal suku
2.    jumenneg kanthi suku sekalangkung rapet utawi sakalangkung mekar
3.    jumeneng kanthi patrap ingkang kirang greget
4.    jumeneng kirang sigrak utawi jumeneng kanthi ronggeh
5.    jumeneng kanthi mboten nggatosaken papan panggenan
6.    asring ngebahaken peranganing sarira
7.    asring mirsani cathetan
8.    asta dipunbanda wonten wingking
9.    saha sane-sanesipun

TULADHA WACANA PRANATACARA 
Berkah Dalem
Kawilujengan saha katentreman mugi tansah kajiwa kasarira dening kula panjenengan sadaya sinartan berkah saking Gusti Ingkang Maha Kawasa. Agunging puji pangalembana namung konjuk wonten Ngarsaning gusti ingkang amurba amisesa sadaya titah ingkang sampun cinipta ing jagad pramudita, inggih awit sih wilasanipun kula panjenengan sadaya saged pepanggihan ing sasana punika.
Ingkang kinurmatan Bapak .... , Ibu Bapak saha kadang wredha mudha ... ingkang tansah bagya mulya.
....