SESORAH

Sesorah yaiku micara  ngenani ide, gagasan utawa panemu sarana lisan ana sangarepe wong akeh kanthi duweni ancas kang gumathok.

Ancase sesorah ana werna - werna :

1. Ulung tinampen/pasrah tampi
   kanggo nampa barang sarahan lan masrahake calon penganten
2. Kangge panglipur
3. Atur informasi utawa menehi kabar
4. Pangajak
   Sesorah kang sipate ngajak wong sing padha ngeringokena kapiket, sahingga tertarik atine marang andharan mau.
5. Atur pambagya
   Kanggo nampa tamu ing acara apa wae kayata supitan, mantenan.

Bab kang wigati supaya nalika sesorah bisa kasil kanthi becik, yaiku :

• BASA
  basa kang digunakake kudu pas karo sing di adhepi, dadi gampang di mangerteni.
• BUSANA
  menawa sesorah prayoga migunakake busana kang becik lan sopan
• SWARA
  Swara wong kang lagi sesorah kuwi aja keseron lan aja kelirihen, lafal lan vokale kudu jelas.
• SOLAH BAWA / SIKAP
  Solah bawane kudu manteb lan teteg, madhep marang pamirsa, tangane ngapurancang, aja kendhengaken lan aja kendhingkluken

Urutane sesorah

1. Salam pambuka
   Kaya Berkah Dalem, Sugeng siang "Assalamualaikum Wr. Wb., lsp.
2. Purwaka :atur pakurmatan marang para tamu, atur syukur marang sing dhuwe jagad, atur panuwun marang para tamu
3. Isi / wigatining atur
   Bab apa wae sing bakal diaturake
4. Pengarep - arep
   Surasane bab sig disuwunake marang para tamune umpamane donga, pitutur
5. Panutup/wasana
   Surasane njaluk pangapura marang para tamu yen ana kaluputane
6. Salam panutup
   Ngaturake salam marang tamune

Tata caraning (metode) sesorah saged katindakaken kanthi maneka warna, ing antawisipun kados mekaten:

1. Kanthi maos naskah

2. kanthi cara apalan

3. kanthi cara impromtu

4. kanthi cara ekstemporan

Yektosipun sintena kemawon saged dados minangka paeaga ingkang ngandharaken sesorah. ing ngandhap punika saperangan sarat manawi badhe paring pangandikan lumantar sesorah, inggih punika :

1. pirsa babagan undha-usuk basa

    saged ngginakaken basa ingkang trep lan jumbuh kaliyan kawontenan ingkang lumampah.

2. pirsa babagan ayahaning adicara

    kedah mangertos lan pirsa ayahaning adicara punapa ingkang saweg lumampah.

3. pirsa babagan ulah kridhaning swara

    anggenipun ngendia membat metuling swanten dipunwigatosaken.

4. pirsa babagan swasna

    tanggap ing sasmita lantip ing panggrahita kanthi mirsani sasmita samasyaning para lenggah.

5. pirsa babagan ngadi salira

    mangertos lan saged mjumbuhaken tumraping pangageming busana, satemah saged jumbuh kaliyan     kawontenan ingkang lumampah.